ഇന്നവന് വീണ്ടും വന്നു - അവളുടെ മഴ. പക്ഷെ അവള്ക്ക് തീരെ ഇഷ്ടമില്ലാത്ത അവന്റെ ആ രണ്ട് കൂട്ടുകാരെയും കൂട്ടിയാണവന് വന്നത് - ഇടിയും മിന്നലും. അവള്ക്കവരെ വല്ലാത്ത ഭയമാണ്. അവര് കൂടെയുള്ളപ്പോള് അവനരികില് പോലും അവള് പോകാറില്ല. ചിലപ്പോള് അവന് പോയാലും അവരിവിടെ തന്നെ കറങ്ങി നടക്കുന്നത് കാണാം. ചിലപ്പോള് അവന്റെ കൂട്ടില്ലാതെയും അവര് വരും. പിന്നെ ചിലപ്പോള് ഒന്ന് വന്നു നോക്കി പോകും - അവനെയും അവന്റെ അവളെയും അവരുടേതായ കുഞ്ഞുലോകത്തിന്റെ സ്വകാര്യതയില് ലയിക്കാനനുവദിച്ചു കൊണ്ട്... എന്നിട്ട് ദൂരേയ്ക്ക് മാറി നിന്ന് അവരെ കേള്പ്പിക്കാനായി അല്പം കമന്റുകളിവിടേയ്ക്കെറിയും അവര്. അപ്പോള് മാത്രമാണ് അവരോടവള്ക്ക് സ്നേഹം തോന്നുക. കാരണം അവരുടെ ആ കമന്റുകളില് ചിലത് അവളുടെ മുഖം നാണത്താല് ചുവപ്പിക്കുകയും അവന് ആ ചുവപ്പിനെ നോട്ടം കൊണ്ടോമനിച്ചും കൈകള് കൊണ്ട് തലോടിയും ചുണ്ടുകള് കൊണ്ട് ചുംബിച്ചും താലോലിക്കാറുണ്ട്. അങ്ങനെ അവരൊരുപാട് നേരം അങ്ങനെ സ്ഥലകാലബോധമില്ലാതെ ഒന്നിച്ചിരിക്കാറുണ്ട്...
മഴ..... "അവനും അവളും" ആകുന്ന ഒരു നിമിഷം...
ReplyDelete"അവനും അവളും" ഒന്നാകുന്ന നിമിഷം..
Delete